રાજકોટ તા. ૧૫ ઓક્ટોબર – ભારત સરકારના શિક્ષા મંત્રાલય દ્વારા સંચાલિત જવાહર નવોદય વિદ્યાલય, તરઘડી, તા. પડધરી, જી. રાજકોટમાં ધોરણ ૯ અને ધોરણ-૧૧ની શૈક્ષણિક વર્ષ ૨૦૨૫-૨૬માં લેટરલ એન્ટ્રીની ખાલી પડેલ જગ્યાઓ સંદર્ભે પ્રવેશ પરીક્ષા માટે ઓનલાઈન અરજીઓ મંગાવવામાં આવી છે.
ઉમેદવારો તા.૩૦-૧૦-૨૦૨૪ સુધીમાં www.navodaya.gov.in તથા https://cbseitms.nic.in/2024/nvsix/ & https://cbseitms.nic.in/2024/nvsxi11/ OR https://navodaya.gov.in/nvs/nvs-school/RAJKOT/en/home વેબસાઇટ પરથી ઓનલાઇન અરજી કરી શકશે. ધોરણ-૯ અને ધો. ૧૧ની પ્રવેશ પરીક્ષા માટે ઉમેદવારે જે જિલ્લામાં જવાહર નવોદય વિદ્યાલય કાર્યરત છે તે જિલ્લાની સરકારી/સરકાર માન્ય શાળામાં ધોરણ-૮ અને ૧૦માં શૈક્ષણિક વર્ષ ૨૦૨૪-૨૫માં અભ્યાસ કર્યો હોવો જરૂરી છે. ધો.૯મા અરજી કરવા ઈચ્છુક ઉમેદવારની જન્મ તારીખ ૦૧/૦૫/૨૦૧૦ થી તા. ૩૧/૦૭/૨૦૧૨ સુધીની તેમજ ધો.૧૧મા અરજી કરવા ઈચ્છુક ઉમેદવારની જન્મ તારીખ ૦૧/૦૫/૨૦૦૮ થી ૩૧/૦૭/૨૦૧૦ સુધીની (બંને દિવસો સામેલ છે) હોવી જોઈએ.
આ અંગેના નિયમો તમામ કેટેગરીના ઉમેદવારોને લાગુ પડશે તેમજ પ્રવેશ પરીક્ષા તા. ૦૮/૦૨/૨૦૨૫ના રોજ લેવામાં આવશે તેમ પી.એમ શ્રી સ્કુલ જવાહર નવોદય વિદ્યાલય રાજકોટના પ્રભારી પ્રાચાર્ય શ્રી રામકુમારની યાદી દ્વારા જણાવાયું છે.
જવાહર નવોદય વિદ્યાલય રાજકોટ ખાતે ધો.૯ અને ૧૧ માં ખાલી પડેલ જગ્યાઓ અંગે પ્રવેશ પરીક્ષા માટે ઓનલાઇન અરજીનો પ્રારંભ
